Juria e ngritur pranë Akademisë së Shkencave të Shqipërisë për konkursin e çmimeve shkencore kombëtare shpalli vendimin e saj për veprat e nominuara

Details

Hits: 296

***

Në emër të jurisë, sot, më 22 nëntor 2022, akademike e asociuar Mimoza Hafizi, koordinatore, përmes një komunikimi për mediat, bëri publik vendimin e jurisë për nominimin e veprave për çmimet shkencore që akordohen nga Akademia e Shkencave për vitin 2022.

Pas një pune disamujore të shqyrtimit të një morie veprash dinjitoze shkencore që konkurruan, juria vendosi të nominojë nga tre konkurrentë për fazën finale:

Për çmimin “Eqrem Çabej”

1. A. Angjeli & A. Civici me trilogjinë: “Kriza ekonomike në kohën e koronavirusit”, “Përballë krizës – sfidat e teorisë dhe politikave ekonomike”, “Drejt një krize të re – Energjia, inflacioni, rritje çmimesh, çoroditje e tregjeve”.

2. Beqir Meta me veprën "Historia e shqiptarëve gjatë shek. XX", Vëll. II, III, IV.

3. Shpresa Gjongecaj me veprën ”Trésors de monnaies antiques trouvés en Albanie”

Për çmimin “Petrit Radovicka”

1. Gjovalin Gruda me veprën "Relievi strukturor i Shqipërisë"

2. Nazim Gruda me veprën “Advances in horticultural soilles culture”

3. Rigers Bakiu me veprën “Molecular Evolution of Aquatic Organisms’ Biomarkers”

Për çmimin “Aleks Buda”

1.Brikena Shkodra me veprën "Retracing late Roman-early Byzantine Dyrrachium"

2.TeutaToska me veprën “Parashqevi Qirjazi dhe viti i saj 1919”

3. Xhelil Koleci me veprën "An overview of current approaches to cattle deseases".

Juria dëshiron te falënderojë të gjithë pjesëmarrësit. Të gjitha veprat e paraqitura, përbëjnë një vlerë të shtuar në serine e botimeve shkencore të studiuesve shqiptarë.

Akad. Mimoza Hafizi tha se:

“Faza finale e ndarjes së çmimeve do të mbahet me tri konferenca shkencore, për secilin çmim, ku kandidatët e nominuar do të paraqesin veprat e tyre përpara jurisë dhe kolegëve studiues të fushave përkatëse, te cilët i ftojmë të jenë të shumtë që përmes pyetjeve, diskutimeve dhe opinioneve te tyre të ndihmojnë në vendimmarrjen finale përcaktimin e fituesve te secilit çmim.”

Për ceremoninë e shpalljes finale të çmimeve do ju njoftojnë së shpejti.

Ju faleminderit