Kryeministri Edi Rama përshëndet konferencën e 7-të shkencore të përbashkët të Ballkanit Perëndimor në kuadër të Procesit të Berlinit

Kryeministri Rama shprehu dëshirën e mirë për veprime të mëtejshme dhe të përbashkëta për të integruar ngadalë, por qëndrueshëm, Akademinë e Shkencave së Shqipërisë dhe akademitë e shkencave të Ballkanit Perëndimor në rrjetin e gjerë të akademive të shkencave europiane, për të siguruar më tepër dije dhe mbështetje për kërkimin shkencor në rajonin tonë.

***

Kryeministri Edi Rama ka përshëndetur konferencën e 7-të shkencore të përbashkët të Ballkanit Perëndimor në kuadër të Procesit të Berlinit, që u mbajt sot më 20 shtator 2023, në Akademinë e Shkencave të Shqipërisë.

Kryeministri Rama uroi një zhvillim të mbarë të punimeve me dëshirën e mirë që ato të ndiqen nga veprime të mëtejshme dhe të përbashkëta për të integruar ngadalë, por qëndrueshëm, Akademinë e Shkencave të Shqipërisë dhe akademitë e shkencave të Ballkanit Perëndimor në rrjetin e gjerë të akademive të shkencave europiane, për të siguruar më tepër dije dhe mbështetje për kërkimin shkencor në rajonin tonë.

Kjo është një nga pjesët kryesore të Procesit të Berlinit dhe jam i lumtur që ky takim ndodh në Tiranë, ku do të ndodhë dhe takimi i i Samitit të Berlinit për Ballkanin  Perëndimor, për herë të parë në rajon, jashtë një vendi të Bashkimit Europian. –tha Kryeminstri Rama.

Në fund të fjalës së tij Kryeministri u uroi punime të mbara pjesëmarrësve dhe shprehu dëshirën që të kënaqen gjatë qëndrimit të tyre në Tiranë me mikpritjen shqiptare.